搜尋

在途上

數碼廣告人,以文字及圖片,記錄人生途上所見所想。Facebook: paulayangpage, Instagram: paulayang

日期

2016 年 02 月 08 日

巡迴表演

要不是XX公司的秘書擺了一次又一次烏龍,巡迴表演今天便正式完結,現在被迫要延遲多一週。這次巡迴表演,說實話,從不預計會有即時的金錢回報,較著眼的是過程,因為對小兄弟們,這是一個很好的磨練及學習機會。前線的一個,從準備到實行到執生,應該承受了不少壓力。但付出多,收穫也多,應是個寶貴的經驗。幕後的兄弟,雖然不是走在前方,但要支援前線那一個,又要留在公司應付四方八面的同事、客戶及"意外",應是個學習應付緊急事故的機會。
接近完場了,我enjoy這個過程,一個大家一起努力的過程。23rd Apr 2007
廣告

我同..狗..誓不兩立

一看標題. 知我又同狗過不去喇。今天踏電梯外出時,三樓又出現連人帶狗進入電梯的情況。被狗嚇了一下,告訴那個狗主屋苑是不準飼養狗隻,那狗主態度令人討厭,對唔住都無一聲,仲覺得我做乜好怕佢隻狗。我跟他說要投訴,並詢問他住在那個單位。他說:"你咪去樓下投訴了。我住邊個單位,你自己查羅!"。我回應:"我會直接向屋苑管理處投訴。"其實我住的樓層都有人養狗,我曾經在出電梯的時候,有隻小狗衝入電梯內,我相信就算唔怕狗,那個時候都會嚇過半死,何況係我。我當然投訴喇,但見那個狗主都對唔住前、對唔住後,我都無直接講那隻狗黎自邊個單位。今日這個狗主,其實早已聽聞佢好寸,有唔少住客投訴過佢,但佢依然故我不特止,態度仲差到離晒譜。
我自出娘胎,蛇、蟲、鼠、蟻、樣樣唔驚,淨係驚狗。我廿幾年前搬入勝利道的時候,個度只有一個獸醫,發展落去,成條街都係狗店。十七年黎,我見盡無良狗主。週圍便溺,又唔法理,成俾街臭晒。我85年搬入勝利道時,條街好寧靜、好優美架。依家,又噪又臭,咪多講的Pet shop同D狗羅。我以前多次係太平道發現大大隻狗,無帶狗帶同口罩,隻狗行埋我度,我大叫,那個狗主仲要話"我隻狗好得意架"。頂!你隻狗對你得意嘛,你係佢主人,你俾飯佢食,佢實聽你話。但我只係路人甲,佢重乜要尊重我呀,咁咬我點算呀!我講緊係個D好大隻狗,我十幾年遇過好多次呢d情況。依家搬黎唔準養狗的地方,點知D狗主仲惡過我。
其實,我多年黎都想克服唔去怕狗。但係,D無道德的狗主令我好討厭,好憎D狗。你有你養狗的權利,我亦有我怕狗的理由。我住勝利道時,我搭電梯遇到狗唔會鬧人架,係我抵死怕狗姊。我已經搬到禁止養狗的地方居住,呢樣我唔會同狗主客氣。要養狗的,唔該去一D準養狗的地方住喇。就算養,都唔該偷偷模模一下。你點鍾意隻狗都好,佢都係一隻動物。你話佢有人性姊,咪一樣咬人咬物。你係佢主人,你話佢聽你話,但我諗你隻狗唔會聽為話掛。又諗下呀,你有間屋出租,你想唔想個租客養狗呀!咪係羅,去到呢個位,咪又係驚隻狗會破壞間屋。
就係因為無良狗主,我係好憎、好唔意、好討厭狗!8th Apr 2007

永遠的偶像 – 張國榮

1st Apr 2007

Leslie
Fans 的 CV
1984 – 暑假期間,日看夜看"Monica" MTV,那個白衫白褲的張國榮,成了我的偶像。
1984 – Present – 絕不放過任何Leslie的唱片、盒帶、CD、演唱會、電影、電視等。
1985 – 因為搬屋,遺失了"為妳鍾情"盒帶,即使零用錢有限,也儉吃儉用買回盒帶。同年,首次踏足紅館,看的就是Leslie的第一個演唱會,當天的門票保留至今。
1986 – 跟小弟在麗聲戲院足足排了兩小時隊,才購得戲票看"英雄本色"。
1985-87 – 每年的勁歌總選,都大喊"皺皮倫"收檔。Leslie拿不到"最受歡迎男歌星",我比History令測驗不合格更氣憤!
1988 – 看"胭脂扣"投入過度,走出戲院後,跟同學亂上一間以"石塘咀"為總站的巴士。
1991 – 在溫哥華的"春秋食館"第一次遇上Leslie真身!
2000 – 看Leslie唯一的拉闊演唱會,見識黎勝如何為演唱會作準備,包括"斜X袋"及"水",,行裝要盡量簡便,準備隨時隨地離開坐位。
2000 – 再跟黎勝看"情、熱演唱會",支持Leslie外,亦大戰鄰座的日本歌迷,大喊大叫三個小時,晚上因興奮過度而失眠,翌日更因生病要看醫生

重新開始

我的Notebook已久未作Housekeeper,內裡相信有大量程式殘骸,昨天晚上Notebook終於按耐不住,發脾氣拒絕工作,不斷出現藍晝面追迫我好好清理它。藍晝面令電腦不能工作,我唯有出動絕招"Recovery Disk",一隻Recovery Disk,電腦由零開始,幸好我日常有做好檔案"Backup",招致損失只是一兩個常常update,又未能備份得來的檔案。還有是一些設訂,如Wallpaper之類,也要重新開始。Recovery完後,整部電腦"爽"了,有點像大掃除之後。檔案保得住,程式卻救不了。重新安裝程式,把需要的才安裝。
電腦跟人類,特別我這種人,已經是不能分割的。即使大部份檔案有備份,但經常使用的如Bookmark,及記錄財政的Excel都沒有了,就算在Backup內找得到,檔案也不是最update的。
今天是四月一日,是香港及公司的新財政年度的開始,就讓我的電腦也重新開始。那些救不了的檔案,我會做一個新的,就定今天為第一天吧!
PS. 養成"Backup"的習慣是各電腦用家必需,要不是我做了Backup,遺失豈止三、兩個file。1st Apr 2007

白羊座,牛一快樂!

已經進入白羊座的月份。坊間星座都說鄰近星座性情大多不太夾,但我有也不少朋友是這個星座。我欣賞白羊座的爽快,是個行動派。跟他們做事,說做便做,不會想得太多。我也喜歡白羊座的爽直,雖然有時常常因為他們的無心快語,弄得有點兒不知所惜,但總比表裡不一,總要別人猜自己心思的好百倍。
白羊座,生日快樂!25th Mar 2007

a e u e o

秉乘我火麒麟週身引,又週身刀無張利的習性,我近日走去學日文!無乜特別原因,只係早前去完北海道,對日文有番興趣,跟住問好友劉小姐的意見(佢係日文試一級試畢業生,屬外國人頂級日文),佢話日經日本語學校唔錯,某日經過旺角,便傻更更去報名。職員話我可以申請政府的"持續進修基金",考試合格可以羅番錢,咁就報左名喇!
已經上左四堂,其實話難唔太難,但亦唔易,記個五十音D字都記得腦脹,我日日返工上途中都睇個五十音。但其實幾有趣架,學新野,我實有三分鐘熱度架。阿劉小姐用日文同我MSN,我梗係唔知佢講乜,有日我睇NDS上的日文,已好心滿意足。
我第一次學外語係Form 2暑期,俾老媽捉去學國語,日日三粒鐘"波婆摩科",悶到發慌不特止,最慘我讀極唔入腦。Form 4暑期,我又貪有型,去學法文,其實當時有D天份架,阿Sir話我發音準。個時諗住去加拿大,個國家係英文、法文雙語制,諗住去繼續學喇。但係,我住的溫哥華係全加拿大法語人口最少,加上我掛住玩,梗係無學喇!
哈哈,我不嬲都有聽下日文歌內睇日本雜誌,我Form 1已經識唱晒成隻中森明菜隻"少女A",依家都記得下D音,不過我唔知自己唱乜姐 🙂

PS. 今年另一Mission就係要學識打倉頡。講黎真羞家,我打左好多年中文,都係打九方,但九方唔係部部電腦有。同埋我唔想做報館二千幾個員工入面,唯一唔識打中文個幾十個人。某次公司可以申請九方,我正想入紙申請個時,我老闆好自豪話我地部門無人申請,因為個個都識打(連佢自己都識打)。我同佢講我正想申請..結果當然係…其實我已評為"唔識字"一族,唔識打倉頡都唔出奇呀 🙂

15th Mar 2007

年初八

一個天朗氣清的星期天下午
一班老友記
一間舒適連天台小部屋
一班老友記的喧嘩聲
一堆美味的食物 (特別是香腸及嘩豬扒)
兩個可愛的小BB
構成了一個開朗、Relax的年初八!

PS.各位,我會從善如流,遲一點換掉那個相簿。現在先來Matthew的超靚仔相!26th Feb 2007undefined

熱辣辣的年初一

這個年初一最高氣溫是25C,是有紀錄以來最熱的一個年初一。今天往外婆家拜年,勉強穿上長袖衫,總不成短袖衫往拜年嗎。換來是一身汗!這裡不是澳洲,怎會交上一個熱辣辣的年初一呢?需要今年的農歷新年來得遲,又在立春之後,但從前也試過2月21日才年初一,都是凍冰冰的。不寒冷的農歷新年,氣氛大減一半。
我想,地球氣溫上升這個課題是不能忽視!我是喜歡便是冬天,但冬天已經越來越短,甚至數十年後會消升!18th Feb 2007

豬年快樂 豬事大吉 Yang Siu yee | | 不是

恕我為人老土,我總覺得要渡過年初一,那才是新一年的開始。每年的一月,我多會感到是年尾。今年農歷年來得遲,也來得很熱,我現在穿著是短袖T-shirt。不要說小時候,我記得98、99年的農歷也是很冷,老爸、老媽出門旅行、小弟在外國留下,獨自一個人在家,又住在21樓,冷得我騰騰震,趕快買來一個暖爐。這個年份,不要說暖爐,我連綿被也沒有蓋過。
農歷年是奉旨賣懶,今年小弟特地從上海回來過年,一家人煲煲碟、吹吹水過年,hea hea,爽得很!
十二生肖當中,我最喜歡的就是豬。我跟屬肖豬的人很有緣,有很多得多豬朋豬友。豬友多有一個共通點,就是行事援慢,喜歡睡覺,而豬人心地良善。各媒介、店舖,看到很多豬,可愛極。
年快樂 事大吉
17th Feb 2007

在 WordPress.com 建立免費網站或網誌.

向上 ↑