一覺醒來，在酒店房打開窗，紅紅黃葉就在窗前，窗前美得像一幅畫，不枉在又濕滑、又摸黑、又窄的山路拐了兩個鐘。
推介這個秋之宮派山莊。過往住過的溫泉酒店，大致分成兩類，一種是家庭式經型，很raw很有人情味，個旅館多是殘舊；另一種是大型溫泉酒店，設備齊全，卻人太多，個裝潢沒有旅館的殘舊。秋之宮屬中型，個非常新淨，大浴場設備不錯，有室內和戶外溫泉。房間也很新淨，床鋪舒適。
廣告
我們在羅臼住宿的酒店，便是這定名為"陶燈之宿"溫泉旅館。溫泉旅館，一泊兩食，即是房租包括一晚、早餐及晚餐。晚餐多在晚上7時前便開始，不用擔心太早.，因為溫泉酒店，不僅在知床，在其他日本地方都處於偏遠地帶，沒有夜生活。而溫泉酒店的方式是約晚上八時完成晚餐，稍事休息便到大浴場，然後再回房間relax。何況，在鄉間地方享受一下"日出而作、日入而息"的生活也非常不錯。羅臼的住宿地方不多，建議出發前四、五個月便要訂好酒店。
圖:溫泉酒店外貌
溫泉酒店最著重兩樣東西，"湯"，即溫泉，及食。陶燈之宿房間整潔，亦尚算寬敞，而湯也是不過不失，要提的倒是那而食。住客不能選擇湯，卻可以選擇兩食，朝食和晩ご飯。因為住宿兩晚，朋友提議第二晚豪一次，便選擇較貴的兩食，那便不得了！
圖: 道東的吉祥物為貓頭鷹，在酒店隨處可見
先來晚飯，每人一隻蟹！對，每人一隻肉蟹，足兩磅多，新鮮不在話下，還要"啖啖肉"，肉蟹以外，還有魚生、魚、蜆、前菜、熟物、湯、甜品，生果，基本上把肉蟹幹掉，肚子已飽了一半。而每一種食物都是美味，海產全部新鮮。
圖: 蟹足有三磅重
一覺醒來，到朝食！嘩，一籃子食物！豆腐、魚(一整條) 、飯、前菜，想象不到這是一個早餐。
圖: 一籃子朝食
重點是，兩個食都很美味。第一晚我們選擇是基本朝食和晚飯，其實質數已好好。第二晚豪少少，更是物有所值。第二晚的住宿連朝食和晚飯，每位$14,190円，折合港幣$1,100。在香港，單是一個晚食的菜單已上千元，可想而知何其物有所值。
“陶燈之宿"的網址
http://rausu-daiichi-hotel.jp/
1. 溫泉酒店點樣計錢?
溫泉酒店一般係"一泊兩食"。泊係住，一泊即係住一晚，兩食即係包兩餐，早餐同晚餐。溫泉酒店價錢的差額來自個溫泉，即係日文個 “湯"有幾靚。有d係戶外天然溫泉，而個泉水靚，具冶療作用的，價錢已經會貴d。跟住個兩食都好緊要，食乜，食幾多道菜係重點。所以上網，佢有好多相俾你揀。我第一次住溫泉酒店係係北海這涵館，個次包左個懷石料理，美味到不得! 最難忘的湯有兩個，一個位於北海道網走，零下十幾度戶外溫泉好正；另一個位於青森縣的十和田湖畔，要坐五個鐘先到達溫泉，個湯好靚好天然。2. 私人風呂 vs 大浴場
香港人沒有大浴場文化，通常都害怕肉帛相見，故都想私密一點。私人風呂即是在酒店房內已附設有一個如浴缸般大的風呂，僅僅足夠兩個人浸浴。我第一次住溫泉酒店，一住兩晚，私人露天風呂料金要港幣$2800，而沒有私人露天風呂只需千多元，係又驚又唔想使咁多錢下，只在第一晚有私人露天風呂，第二晚轉到普通房間。第二晚我地轉到大浴場浸浴，才發現肉帛相見根本不是問題，日本人根本不會望你，大家都很自然、很relax地享受溫泉，那有閒情望大家。此後，我甚至愛上這個日本文化，從此沒有再選擇私人風呂了。
溫泉酒店一般係"一泊兩食"。泊係住，一泊即係住一晚，兩食即係包兩餐，早餐同晚餐。溫泉酒店價錢的差額來自個溫泉，即係日文個 “湯"有幾靚。有d係戶外天然溫泉，而個泉水靚，具冶療作用的，價錢已經會貴d。跟住個兩食都好緊要，食乜，食幾多道菜係重點。所以上網，佢有好多相俾你揀。我第一次住溫泉酒店係係北海這涵館，個次包左個懷石料理，美味到不得! 最難忘的湯有兩個，一個位於北海道網走，零下十幾度戶外溫泉好正；另一個位於青森縣的十和田湖畔，要坐五個鐘先到達溫泉，個湯好靚好天然。2. 私人風呂 vs 大浴場
香港人沒有大浴場文化，通常都害怕肉帛相見，故都想私密一點。私人風呂即是在酒店房內已附設有一個如浴缸般大的風呂，僅僅足夠兩個人浸浴。我第一次住溫泉酒店，一住兩晚，私人露天風呂料金要港幣$2800，而沒有私人露天風呂只需千多元，係又驚又唔想使咁多錢下，只在第一晚有私人露天風呂，第二晚轉到普通房間。第二晚我地轉到大浴場浸浴，才發現肉帛相見根本不是問題，日本人根本不會望你，大家都很自然、很relax地享受溫泉，那有閒情望大家。此後，我甚至愛上這個日本文化，從此沒有再選擇私人風呂了。
3. 小旅館 vs大旅館
曾經係東北山形縣住個大型旅館，基本設施不俗，只是地方太大、人太多，失卻住溫泉酒店要寧靜的意義。前陣子到北陸和倉溫泉，住上一間只有十間房間的小溫泉旅館，房間不以數字提名，而是每間房間都有自己名字，我住那一間叫 “秋櫻"，山口百恵名曲呀!房間不特別漂亮，但好鍾意好feel到那種鄉村純樸的warm同人情味；最難忘是2008年在長野縣的一間小溫泉酒店，兩食都係老闆娘親手造，美味得很。晚上我跟老友在榻榻米上，在那個14吋小電視機裡，看北京奧運開幕式。
4. 注意事項
溫泉酒店一般坐落係山區，基本上無咩夜生活。晚餐一般6點，最遲6點半就開始，食飽休息下，八點鐘去浸浴，十點返到房間，飲下啤酒食下薯片睇下電視，咁樣先可以relax。千奇唔好將日間行程偏排到7點，又或者唔好落機第一晚就住溫泉酒店，因為就算係香港坐早上8點機，日本快香港一個鐘，最快都要日本時間下午兩點先到日本，靚的溫泉酒店通常都較偏僻，要認行李仲要坐車，好難係6點前去到溫泉酒店。日本人講求準時，過左6點半，無得食就無得食。
5. 點解要住溫泉酒店?
溫泉酒店其實唔特別，我enjoy係日本文化，人情味同個種relax。有朋友問我溫泉酒店要訓床唔訓榻榻米。我覺得要住洋式房，要訓床咁不如唔好住溫泉酒店，榻榻米係日本文化的最基本。初初訓可能唔慣，但依家我簡直係愛上。如果唔食魚生都唔建議住溫泉酒店，因為話明一泊兩食，個食好緊要，價錢就係相差係那個食，唔食魚生，其他食物都比唔上。去旅行係要體驗文化，下下要做個香港人，咁不如去長州好過。
6. 溫泉酒店點樣book?
大家可能會找Trip Advisor，但Trip Advisor多數係識英文的人先會去，即係大部份係鬼佬，佢地鍾意的野同香港人會好唔同。建議confirm好地方後，上網search下那個地方的溫泉酒店，然後看圖識漢字碰運氣，再唔係問下朋友。我次次都靠朋友，一個識日文、一個做旅行社問同事，靠自己個次我都係問相屬agent，出黎結果都ok。正如Point 1所講，最講要係睇個湯同食乜，房間以我住過咁多次溫泉酒店，其實間房間間差唔多。
