搜尋

在途上

數碼廣告人,以文字及圖片,記錄人生途上所見所想。Facebook: paulayangpage, Instagram: paulayang

標籤

hotspring

2013年最完滿是…旅行!

2013年12月22日 ·

2013年最完滿是…旅行!
行動次數: 4次、到訪國家: 8個、到訪城市: 16個、途經機場: 11個、溫差: 43度 (由柏林的-8C到曼谷的35度)
行程包括: 永安東歐五國十天團、Hea爆曼谷生日遊、體驗日文文化之旅、7人10天去土耳其玩個夠。(即將出發: 柬埔寨6日慈善遊學)

感謝上天給我有5班不同旅伴、Like自己仍有不俗體力舟車勞動、多謝老闆俾我放假、開心同事們幫我頂住d野、感恩父母身體健康讓我可以安心去旅行。

行萬里路後的感覺真好!

2013 travel 01

維也納是小時候看卡通片時常出現的名字,音樂之都果然名不虛傳。是次逗留兩天,印像最深反而是其咖啡,和跟舊同學聚舊,以及席上的那瓶酒。很喜歡Vienna。這個地方,定必重臨。

2013 travel 02

古舞洛夫是行程亮點!山城本身已是漂亮,還要是白蒙蒙一片。山上的天氣特別冷,我這個不太怕冷的人,都不得不佩服在山上居住的人。

2013 travel 03

德國一直只我很想到訪的國家,十多年來計劃個數次行程,總在出機票前發生事故而未能出發。今次能到訪德國首都柏林,一個上世紀極富傳奇的城市,作為歐州最先進、最富裕國家的首都,卻處處看得見歷史,新舊交融,聞名不如見面。

2013 travel 04

在曼谷過了一個熱辣辣的生日,早上起來,砌了下個笑臉給自己

2013 travel 05

日本鐵道遊從來是我喜歡的旅遊模式,把一大堆食品搬上火車,戴著耳機,看著窗外美景,這是我多年嚮往鐵道遊的原因

2013 travel 06

今次到日本最特別之處是要到鄉間體驗日本文化,在和倉溫泉入住一間只有十間房的小旅館,晚上還參加日本人的花火大會。偶而在繁忙中,我會想起那個晚上的悠然自得

2013 travel 07

日本金澤茶道街,很有"阿信的故事"風味。到訪是黃昏,夕陽西照,印象特別深刻

2013 travel 08

愛琴海,一直是個很遙遠的名字!抵達愛琴海這間酒吧並不在行程內,所以很驚喜!跟三個好朋友在愛琴海暢飲,微風送日落,那是真正的…放假!

2013 travel 09

這是個萬寶路的世界! 原行程是騎兩小時馬,只是我很害怕騎馬,縮短到一小時,然後,就看到這個土耳其奇石區的日落

2013 travel 10

要我選本年度最難忘的一幕,必定是土耳其熱氣球!!!日出、藍天、七彩熱氣球,午夜夢迴常常想起的美景。其實因為埃及熱氣球關係,上氣球前著實害怕,但我看看同行友人氣息不錯,那就孤注一擲,造就這個下半生都會回味無窮的行程。

廣告

日本溫泉酒店

2013年11月1日

hotspringhotel
實在有太朋友詢問關於溫泉酒店,就在這裡一次過sumup
1. 溫泉酒店點樣計錢?
溫泉酒店一般係"一泊兩食"。泊係住,一泊即係住一晚,兩食即係包兩餐,早餐同晚餐。溫泉酒店價錢的差額來自個溫泉,即係日文個 “湯"有幾靚。有d係戶外天然溫泉,而個泉水靚,具冶療作用的,價錢已經會貴d。跟住個兩食都好緊要,食乜,食幾多道菜係重點。所以上網,佢有好多相俾你揀。我第一次住溫泉酒店係係北海這涵館,個次包左個懷石料理,美味到不得! 最難忘的湯有兩個,一個位於北海道網走,零下十幾度戶外溫泉好正;另一個位於青森縣的十和田湖畔,要坐五個鐘先到達溫泉,個湯好靚好天然。
2. 私人風呂 vs 大浴場
香港人沒有大浴場文化,通常都害怕肉帛相見,故都想私密一點。私人風呂即是在酒店房內已附設有一個如浴缸般大的風呂,僅僅足夠兩個人浸浴。我第一次住溫泉酒店,一住兩晚,私人露天風呂料金要港幣$2800,而沒有私人露天風呂只需千多元,係又驚又唔想使咁多錢下,只在第一晚有私人露天風呂,第二晚轉到普通房間。第二晚我地轉到大浴場浸浴,才發現肉帛相見根本不是問題,日本人根本不會望你,大家都很自然、很relax地享受溫泉,那有閒情望大家。此後,我甚至愛上這個日本文化,從此沒有再選擇私人風呂了。

3. 小旅館 vs大旅館
曾經係東北山形縣住個大型旅館,基本設施不俗,只是地方太大、人太多,失卻住溫泉酒店要寧靜的意義。前陣子到北陸和倉溫泉,住上一間只有十間房間的小溫泉旅館,房間不以數字提名,而是每間房間都有自己名字,我住那一間叫 “秋櫻",山口百恵名曲呀!房間不特別漂亮,但好鍾意好feel到那種鄉村純樸的warm同人情味;最難忘是2008年在長野縣的一間小溫泉酒店,兩食都係老闆娘親手造,美味得很。晚上我跟老友在榻榻米上,在那個14吋小電視機裡,看北京奧運開幕式。

4. 注意事項
溫泉酒店一般坐落係山區,基本上無咩夜生活。晚餐一般6點,最遲6點半就開始,食飽休息下,八點鐘去浸浴,十點返到房間,飲下啤酒食下薯片睇下電視,咁樣先可以relax。千奇唔好將日間行程偏排到7點,又或者唔好落機第一晚就住溫泉酒店,因為就算係香港坐早上8點機,日本快香港一個鐘,最快都要日本時間下午兩點先到日本,靚的溫泉酒店通常都較偏僻,要認行李仲要坐車,好難係6點前去到溫泉酒店。日本人講求準時,過左6點半,無得食就無得食。

5. 點解要住溫泉酒店?
溫泉酒店其實唔特別,我enjoy係日本文化,人情味同個種relax。有朋友問我溫泉酒店要訓床唔訓榻榻米。我覺得要住洋式房,要訓床咁不如唔好住溫泉酒店,榻榻米係日本文化的最基本。初初訓可能唔慣,但依家我簡直係愛上。如果唔食魚生都唔建議住溫泉酒店,因為話明一泊兩食,個食好緊要,價錢就係相差係那個食,唔食魚生,其他食物都比唔上。去旅行係要體驗文化,下下要做個香港人,咁不如去長州好過。

6. 溫泉酒店點樣book?
大家可能會找Trip Advisor,但Trip Advisor多數係識英文的人先會去,即係大部份係鬼佬,佢地鍾意的野同香港人會好唔同。建議confirm好地方後,上網search下那個地方的溫泉酒店,然後看圖識漢字碰運氣,再唔係問下朋友。我次次都靠朋友,一個識日文、一個做旅行社問同事,靠自己個次我都係問相屬agent,出黎結果都ok。正如Point 1所講,最講要係睇個湯同食乜,房間以我住過咁多次溫泉酒店,其實間房間間差唔多。

在WordPress.com寫網誌.

向上 ↑